चंद्रकांत रेम्बर्सू, संध्याराणी बंडगर, दीपक चिकणे, अरुण राठोड मानकरी

समृद्धी क्रीडा सेवा पुरस्कार जाहीर; शुक्रवारी (दि. २९ ऑगस्ट रोजी) राष्ट्रीय क्रीडादिनी पुरस्काराचे वितरण

सोलापूर 24||

सोलापूर : समृद्धी स्पोर्टस्‌‍ क्लबच्यावतीने ज्येष्ठ क्रीडा संघटक चंद्रकांत रेम्बर्सू, संध्याराणी बंडगर, दीपक चिकणे, अरुण राठोड यांना समृद्धी क्रीडा सेवा पुरस्कार जाहीर करण्यात आला आहे.  या पुरस्काराचे वितरण राष्ट्रीय क्रीडा दिनानिमित्त शुक्रवार, दि.  29 ऑगस्ट रोजी सायंकाळी 6.45 वाजता विजयपूर रोड येथील मयूरवन हॉटेलच्या हॉलमध्ये होणार आहे. समृद्धी कला, क्रीडा व सांस्कृतिक मंडळ सोलापूर अंतर्गत समृद्धी स्पोर्टस्‌‍ क्लबच्यावतीने यंदाच्या वर्षांपासून समृद्धी क्रीडा सेवा पुरस्कार क्लबचे संस्थापक सचिव संजय सावंत यांनी जाहीर केले.

⇒सोलापूर जिल्हा क्रिकेट संघटनेचे संयुक्त सचिव क्रिकेटचे ज्येष्ठ क्रीडा संघटक चंद्रकांत रेम्बर्सू, धनुर्विद्येचे आंतराराष्ट्रीय प्रशिक्षक दीपक चिकणे  यांना समृद्धी क्रीडा सेवा पुरस्काराने सन्मानित करण्यात येणार आहे. मानपत्र, सन्मानचिन्ह व शाल असे यांच्या पुरस्काराचे स्वरुप आहे.

⇒ आंतरराष्ट्रीय लॉन टेनिस खेळाडू संध्याराणी बंडगर, लांबपल्याचा आंतराराष्ट्रीय धावपटू अरुण राठोड हे पहिल्या खेळाडू समृद्धी क्रीडा सेवा पुरस्काराचे मानकरी ठरले आहेत. या पुरस्काराचे स्वरूप 2100 रुपये रोख रक्कम, मानपत्र, सन्मानचिन्ह व शाल असे स्वरुप आहे.

क्लबने यासाठी क्रीडा पत्रकार अजितकुमार संगवे, माजी तालुका क्रीडाधिकारी व आंतरराष्ट्रीय खो-खोपटू सत्येन जाधव आणि तालुका क्रीडाधिकारी गणेश पवार यांची निवड समिती नियुक्ती केली होती. या निवड समितीने ही निवड केली आहे.

हा पहिलाच पुरस्कार वितरण समारंभ यशस्वीपणे पार पाडण्यासाठी क्लबचे अध्यक्ष राजू प्याटी, उपाध्यक्ष रामचंद्र दत्तू,  राजन सावंत, कार्यकारी अध्यक्ष शोएब बेगमपुरे, कार्याध्यक्ष सुरेश भोसले, सल्लागार चंद्रकांत होळकर, रमेश बसाटे, मल्हारी बनसोडे, संतोष जाधव, संजय बनसोडे, राजकुमार कोळी, शाहनवाज मुल्ला, पुंडलिक कलखांबकर, गणेश कुडले, रविंद्र चव्हाण, शिवाजी वसपटे आदी सदस्य प्रयत्नशील आहेत.